يقول المدون ربيع ملحم في مدونته "الله يرحم سيدك":" الله يسعدكم اعزائي وين ما كنتوا اليوم حلقتنا، بدها توخذ عبارة مستخدمة من قبل الكبار السن لجيل اليوم، هاي الجملة، "الله يرحم سيدك" والحلو فيها انها كثير مستخدمة على الشكلين الايجابي والسلبي، فمثلا بنشوف هاي العبارة كثير بتتناقل بالاعراس شاب مشمر عن بلوزنه، بصب قهوة السادة على الضيوف، بساعد بترتيب الكراسي، بستقبل المعازيم، بدون ما يسمع حكي تعبت، ولحالي! يعني شاب جدع.. فبنادي عليه ختيار العيله، ابن مين انت يا سيدي، فبجاوبه انا من حياة فلان الفلان، فبتشوف الختيار انبسطله وفرحله وحط ايده على كتفه وقال "االله يرحم سيدك" بقصد فيها اللي خلف ما مات".
