نحن مجموعة كبيرة من العاملين منحب نوضّح لأهل بلدنا شو اللي عم بصير:
عبدالله بنا رئيس لجنة العمال بالمستشفى الفرنسي أعلن إضراب بالمستشفى وأعطى تعليماته للعاملين بعدم تقديم العلاج للمرضى المتواجدين بالمستشفى..
قبل بيوم ممرضة بقسم الأطفال رفضت إعطاء انتيبيوتيكا لطفلة عمرها 12 يوم بتوجيه من عبدالله بنا..
الأهل كانوا مصدومين ومتوتّرين وما فادت كل تضرّعاتهن انه هاد طفل شو خصّه؟ الأهل اضطروا لترك المستشفى حتى يكمّلو علاج طفلهن بمكان آخر..
هدا العمل ايش بسموه؟؟؟
عبدالله بنا بدور كل الوقت بأقسام المستشفى حتى يحرّض العاملين إنهن ما يعطوا علاج للمرضى..
بأي حق بتم عدم إعطاء علاج للمريض؟
بأي ضمير؟
أغلب العاملين بالمستشفى مستائين جدا، مقهورين، ورافضين كل اللي عم بصير.. وواحد منهن جورج الممرض المسؤول بقسم طوارئ الأطفال..
جورج منع بجسده من عبدالله بنا إنه يدخل الى قسم الطوارئ ويحقّق نواياه، يحرّض ويستفز ويمنع عن المرضى العلاج..
الفيديو صحيح بفرجي جورج وهو مستَفَز وبحكي كلمات قاسية، لكن أي شخص تاني محل جورج وعنده أمانة لمهنته كان بتصرّف بنفس الطريقة..
هاي هي الحقيقة..
الإضراب حقيقة ما كان إله لزوم لأنه الإتفاق بين الإدارة والعاملين كان قريب.. لكن عبدالله بنا نسفه لمصالح شخصيّة وأعلن الإضراب...
المستشفى الفرنسي ملان بالعاملين الأمناء على مهنتهم وعلى رسالة المستشفى منذ تأسيسه، وهني عم بحموا وبقوموا برسالتهم بخدمة أهل بلدهم تحت اي ظرف وبكل وقت.. ضميرهن ما بسمحلهن إقحام المريض بلب أي نزاع... وصامدين بالرغم من كل الضغوطات اللي بتتمارس عليهن من رئيس لجنة العمال.. وواقفين بأنفسهن بوجه عبدالله بنا اللي بأعماله وتوجيهاته عم بدفّع المرضى والمتعالجين الثمن وبمنع العلاج عن أطفال وأهل البلد